Polıtsııa júrgizýshilerge qatań eskertý jasady
ASTANA. KAZINFORM - Elimizde jol-kólik oqıǵalarynyń aldyn alý jáne joldaǵy tártipti kúsheıtý maqsatynda josparly túrde aýqymdy profılaktıkalyq reıdtik sharalar turaqty túrde ótkizilip keledi, – dep habarlaıdy Polisia.kz.
Bundaı sharalar buǵan deıin de júrgizildi jáne aldaǵy ýaqytta da júıeli túrde jalǵasady.
Onyń basty maqsaty — jol-kólik oqıǵalarynyń aldyn alyp, azamattardyń ómiri men densaýlyǵyn qorǵaý.
Búgingi tańda elimizdiń bes óńirinde, ıaǵnı Almaty, Shymkent qalalarynda jáne Almaty, Qaraǵandy, Túrkistan oblystarynda «Quqyq buzýshylyqqa jol joq» jedel-profılaktıkalyq is-sharasy aıasynda jolda júrý qaǵıdalaryn buzýdyń 22 myńnan astam deregi anyqtalyp, joly kesildi.
– masań kúıde jáne júrgizý quqyǵynsyz kólik basqarýdyń shamamen 500 deregi;
– jol-kólik oqıǵalaryna tikeleı áser etetin, ıaǵnı qarsy baǵytqa shyǵý, baǵdarshamnyń tyıym salynǵan sıgnalyna ótý, jalǵan memlekettik nómirlerdi paıdalanýdyń shamamen 300-ge jýyq áreketi;
– júrgizýshiniń qaýipti áreketteriniń, onyń ishinde kólik júrgizý kezinde telefon qoldanýdyń 800-den astam deregi.
- Jalpy alǵanda, mamandandyrylǵan aıyp turaǵyna 2,8 myńnan astam avtokólik qoıylyp, 450-den astam memlekettik tirkeý nómiri alyndy. Árbir toqtatylǵan quqyqbuzýshylyq — aldyn alynǵan apat, saqtalǵan bir ómir men aman qalǵan densaýlyq. Mundaı jedel-profılaktıkalyq is-sharalar elimizdiń barlyq óńirinde kezeń-kezeńimen jalǵasady,-delingenpolıtsııanyń habarlammasynda.
Osyǵan deıin Almatyda avtoturaq erejelerin buzǵan 15 myń júrgizýshi aıyppul arqalaǵany týraly jazdyq.
