Polıtsııa jasóspirimderdi «drop» bolýdan saqtanýǵa shaqyrdy
ASTANA. KAZINFORM – Іshki ister mınıstrligi ınternet alaıaqtary jasóspirimderdi bank kartalary arqyly júzege asyrylatyn zańsyz qarjylyq shemalarǵa tartýy múmkin ekenin eskertti.
Polisia.kz málimetinshe, mundaı jaǵdaılar kóbine messendjerlerde, áleýmettik jelilerde nemese onlaın oıyndarda taralatyn «jeńil tabys» týraly usynystardan bastalady.
Alaıaqtar jasóspirimderge óz kartasyna aqsha qabyldap, ony basqa shotqa aýdarýdy nemese qolma-qol aqshaǵa aınaldyrýdy usynady. Alaıda mundaı áreketter urlanǵan qarajatty zańdastyrý shemasynyń bir bóligi bolýy múmkin.
– Shyn máninde bul urlanǵan qarajatty jymqyrý shemasy bolyp sanalady. Alaıaqtar izin jasyrý úshin «droptardy» paıdalanady: aqsha bógde shottar arqyly ótip, al uıymdastyrýshylar jasyryn qalady, – dep eskertti ІІM.
Vedomstvo mundaı operatsııalarǵa baıqamaı qatysýdyń ózi quqyqtyq jaýapkershilikke ákelýi múmkin ekenin atap ótti.
Osyǵan baılanysty tártip saqshylary azamattardy, ásirese jasóspirimderdi jeke bank derekterin bógde adamdarǵa bermeýge jáne kúmándi usynystarǵa senbeýge shaqyrady.
– Bank kartasynyń derekterin jáne bank qosymshalary týraly málimetti bógde adamdarǵa bermeńiz. Aqshany aýdarý arqyly «jeńil tabys tabý» týraly usynystarǵa kelispeńiz. Kúdik týyndasa, mindetti túrde ata-anańyzǵa nemese ózińiz senetin eresek adamǵa habarlańyz, – delingen habarlamada.
Іshki ister mınıstrligi ınternet keńistiginde qarjylyq operatsııalarǵa qatysty kez kelgen usynysqa saqtyqpen qaraýǵa jáne zańsyz áreketterge tartylý qaýpin eskerýge shaqyrdy.
Aıta keteıik, Aqtóbede dropperlerge qatysty 20-ǵa jýyq is tirkeldi.
