Polıtsııa iz-tússiz joǵalǵan oqytýshyny Almatyǵa bet alǵan poıyzdan tapty
ASTANA. KAZINFORM – Aqmola polıtseıleri joǵalǵan 21 jastaǵy Kókshetaý turǵynyn Almaty qalasyna bara jatqan poıyzdan tapqan.
«22 sáýirde oblystyń aýdandyq polıtsııa bólimderiniń birine mektepte oqytýshylyq praktıkadan ótken aqmolalyqtyń habar-osharsyz ketkeni týraly habarlamamen jas muǵalimniń áriptesi júgindi. Polıtseıler habar-osharsyz ketkendi izdeýge baǵyttalǵan jedel-izdestirý is-sharalarynyń qajetti keshenin ótkizdi», — delingen habarlamada.
Qabyldanǵan sharalardyń nátıjesinde qyzdyń ornalasqan jeri ońtústik astanaǵa baratyn jolaýshylar poıyzynda anyqtaldy.
«Qyz bolashaq jubaıynyń ata-anasynyń úıine qudalardy jiberýge nıeti týraly habar jetkizbek bolǵan. Alaıda, ata-anasyna aparatyn jolǵa asyǵyp bara jatyp, ol poıyzda bolǵan kezde áriptesterine habar berýge tyrysqan, biraq ol uıaly jelidegi aqaýlarǵa baılanysty eshkimmen baılanysa almaǵan», — dep habarlady Aqmola polıtseıleri.
Qyzǵa qatysty eshqandaı qylmys pen quqyq buzýshylyq jasalmaǵany anyqtaldy.
