Polıtsııa úsh kúnde 100-den astam mal urlyǵyn ashty

ASTANA. KAZINFORM – El boıynsha «Mal urysy» atty keń aýqymdy jedel-profılaktıkalyq is-sharasy ótkizildi. Bul - aýyl turǵyndarynyń múlkin qorǵaýǵa jáne mal urlyǵyn boldyrmaýǵa baǵyttalǵan Іshki ister mınıstrliginiń josparly is-sharasy, - dep jazdy Polisia.kz.

Úsh kún ishinde polıtsııa qyzmetkerleri mal tasymaldaǵan 12 myńnan astam kólikti, 3,5 myńnan asa satyp alý oryndaryn, sondaı-aq 8 myń sharýa qojalyqtary men fermalardy tekserdi. Nátıjesinde Astana men Almaty qalalarynda alty zańsyz mal soıý tsehynyń jumysy áshkerelenip, elordanyń bazarlarynyń birinde et satýǵa arnalǵan jalǵan mór qoldaný faktisi anyqtaldy.

Polıtsııa mal urlyǵyna qatysy bar 113 adamdy ustady. 20 qylmystyq toptyń áreketi toqtatyldy. 107 mal urlyǵy jedel ashyldy. 800-den astam bas mal ıelerine qaıtaryldy.

- Mysaly, Pavlodar oblysynda alty epızod boıynsha 43 bas iri qara maldy urlaǵan tórt adamnan quralǵan top ustaldy. Jetisý oblysynda da 50 bas iri qaranyń urlyǵyna qatysy bar tórt adamnan turatyn top anyqtalyp, qylmys der kezinde toqtatyldy. Aqtóbe oblysynda polıtseıler erkin jaıylymda joǵalǵan 20 jylqyny taýyp, ıelerine qaıtaryp berdi. Maldy qaraýsyz qaldyrmańyzdar, mindetti túrde tańbalap, joǵalǵan jaǵdaıda birden polıtsııaǵa habarlasyńyzdar. Árbir saǵattyń mańyzdy ekenin este saqtańyzdar, - dedi ІІM Krımınaldyq polıtsııa departamentiniń basqarma bastyǵy Jandos Muhatov.

Eske sala keteıik, Májilis depýtaty mal urlyǵynyń jazasyn qatańdatý keregin aıtty.