Polıtsııa tabıǵatty qorǵaý maqsatynda ShQO orman alqaptaryn áýeden baqylaıdy
ÓSKEMEN.KAZINFORM — Shyǵys Qazaqstan oblysynda 15-31 jeltoqsan aralyǵynda qylqan japyraqty aǵashtardy zańsyz kesý, daıyndaý, tasymaldaý jáne satý faktileriniń jolyn kesýge baǵyttalǵan «Shyrsha» jedel-profılaktıkalyq is-sharasy ótkizilip jatyr.
Іs-shara aıasynda polıtsııa qyzmetkerleri avıatsııalyq reıd júrgizdi. Orman alqaptaryna áýeden monıtorıng jasaý qylqan japyraqty aǵashtardyń jaı-kúıin naqty tirkeýge jáne jetýi qıyn ýchaskelerdi qamtýǵa múmkindik berdi.
Ushý barysynda tártip saqshylary Rıdder, Shemonaıha, Glýbokoe, Ulan jáne Altaı aýdandarynyń aýmaqtaryn qamtydy.
JPІSh bastalǵaly beri aǵashtardy zańsyz kesýdiń eki faktisi anyqtalyp, joly kesildi.
Polıtsııa qylqan japyraqty aǵashtardy zańsyz keskeni úshin jaýapkershilik qarastyrylǵanyn eskertedi. Sondaı-aq saqshylar azamattardy tabıǵatty qorǵaýǵa shaqyrady.
Aıta ketelik kelesi jyly 5,4 mln gektar orman órtti erte anyqtaý júıesimen qamtylady.
