Polıtsııa Qarmet kásipornyndaǵy 1 mlrd teńgeniń urlyǵyn áshkereledi
QR Іshki ister mınıstrliginiń krımınaldyq polıtsııa qyzmetkerleri Qarmet kásiporny ekonomıkalyq qaýipsizdik qyzmetiniń qoldaýymen kompanııanyń jáne ózge de merdiger uıymdardyń birqatar burynǵy laýazymdy tulǵalaryn ustady, dep habarlaıdy Polisia.kz.
Kúdikti tulǵalar shamamen 1 mıllıard teńge somasyndaǵy qarjyny alaıaqtyq jolmen jymqyrdy dep aıyptalýda.
Tergeý málimetinshe, zaýyttyń bir top qyzmetkeri óz áreketterin aldyn ala josparlap, óndiristik qaldyqtardy zaýyt aýmaǵynan shyǵaryp, Temirtaý qalasyna jaqyn mańdaǵy ıesiz jerge tıisti ýtılızatsııasyz tókken.
Qazirgi ýaqytta qylmystyq qýdalaý aıasynda 14 adam tergelip jatyr.
Qylmystyq is boıynsha tergeý amaldary jalǵasýda.
Aıta keteıik, buǵan deıin Qarmet metallýrgııa zaýytynda merdiger uıymnyń eki jumysshysy qaza tapty.