Polıtsııa oqýshylardyń qaýipsizdigin qamtamasyz etý sharalaryn kúsheıtti

ASTANA. KAZINFORM — Jańa oqý jylynyń bastalýyna oraı elimizdiń barlyq mektebinde saltanatty is-sharalar ótti. Osyǵan baılanysty qoǵamdyq tártip pen jol qaýipsizdigin qamtamasyz etý úshin Іshki ister mınıstrligi tıisti sharalardy qabyldady, dep habarlaıdy Polisia.kz.

Árbir bilim oshaǵyna polıtsııa qyzmetkerleri bekitildi. Patrýldik jasaqtar mektepterdiń mańyna barynsha jaqyn ornalastyrylyp, yqtımal jaǵdaılarǵa der kezinde áreket etýge jáne oqýshylardyń qaýipsizdigin qamtamasyz etýge baǵyttaldy.

Bilim kúni tártip saqshylary quqyqtyq taqyryptaǵy dárister ótkizip, jeke qaýipsizdik erejeleri men jol qozǵalysy qaǵıdalaryn túsindirdi.

Aıta keteıik, 25 tamyz ben 10 qyrkúıek aralyǵynda respýblıka boıynsha «Nazar aýdaryńyz, balalar!» aktsııasy ótip jatyr. Onyń aıasynda bilim berý mekemeleriniń mańaıynda 5 myńnan astam tekserý júrgizildi. Nátıjesinde mektepterdiń janynda 2 335 jol belgisi ornatylyp, jańartyldy, 1 007 jaıaý júrginshi ótkeli salyndy, 18 752 metr trotýar tóseldi. Sondaı-aq balalardy tasymaldaýǵa arnalǵan 1 780 kólik quraly tekserildi.

Іshki ister mınıstrligi aldaǵy ýaqytta da oqý oryndarynyń mańynda qoǵamdyq tártipti saqtaý, balalardyń qaýipsizdigin qorǵaý jáne oqýshylardyń quqyqtyq ári jolda júrý mádenıetin arttyrý baǵytyndaǵy aldyn alý jumystaryn jalǵastyra bermek.

Aıta keteıik, Tarazda oqýshyny óltirdi degen kúdikpen jasóspirim ustaldy.