Polıtsııa qyzmetkerleriniń aılyǵyn kóterýge 300 mlrd teńgeden astam qosymsha qarjy bólinedi

ASTANA. KAZINFORM – Qarjy mınıstriniń orynbasary Abzal Beısenbekuly Májilistiń jalpy otyrysynda Іshki ister mınıstrliginiń qurylymdary arasyndaǵy eńbekaqy alshaqtyǵy joıylatynyn málim etti.

- Іshki ister mınıstrligindegi jedel tergeý qurylymy men ózge de qyzmetterdiń, sonyń ishinde ákimshilik polıtseılerdiń jalaqysynda teńgerimsizdik baıqalady. Biraq Úkimet úlken jumys júrgizgen bolatyn. Jańa eńbekaqy tóleý júıesin engizý baǵytynda jumys bastaldy. Ol jumys eki kezeńde júredi. Sol jerde biz ákimshilik polıtseılerdiń jalpy aılyqtaryn kóterip, mindetti ústemeaqy tóleý arqyly olardyń aılyǵyn jedel tergeý quramymen arasyndaǵy alshaqtyqty azaıtyp jatyrmyz, - dedi ol.

Onyń sózinshe jańa júıe eki jyldyń ishinde engizilip, teńgerimsizdik birtindep joıylady.

- 2025 jyly atalǵan baǵytqa osy jańa júıeni engizý úshin memlekettik bıýdjetten 165 mlrd teńge kózdelip otyr. 2026 dyly 154 mlrd teńge bólýdi josparlap otyrmyz. ıAǵnı, osyndaı alshaqtyqtyń bári azaıyp, teńgerimsizdikterdi joıýǵa baǵyttalǵan jańa júıe engiziledi, - dedi vıtse-mınıstr.

Buǵan deıin Májilistiń kóshpeli Úkimet saǵatynda Іshki ister mınıstri Erjan Sádenov elde 8 200 patrýldik polıtsııa qyzmetkeri tapshy ekenin aıtqan edi.