Polıtsııa qyzmetkerleri Rýdnyıda joǵalǵan balany tapty
QOSTANAI. KAZINFORM — Rýdnyı qalasynda joǵalǵan bala tabyldy.
Anasynyń aıtýynsha, balabaqshadan kelgennen keıin oınap júrgen bala qas-qaǵym sátte ushty-kúıli joq bolyp ketken.
Biraz ýaqyt óz betterinshe izdegen ata-anasy polıtsııanyń kómegine júgingen. Saqshylar birneshe mınýt ishinde jedel izdestirý jumystaryn qolǵa alyp, barlyq beınebaqylaý kamerasyn qarap, turǵyn úılerdi aralap shyqty.
Іzdestirý operatsııasy sátti aıaqtalyp, balanyń kórshi podezdegi qurbysyna qonaqqa barǵany belgili boldy.
Tártip saqshylary balalardy qaraýsyz qaldyrmaý kerektigin jáne joǵalǵan jaǵdaıda dereý 102 arnasyna habarlaý kerektigin eskertedi.
Eske sala keteıik, buǵan deıin Qostanaı oblysynyń 4 aýdanynda tótenshe jaǵdaı rejımi jarııalanǵanyn habarlaǵan bolatynbyz.
