Polıtsııa qyzmetkeri esinen tanǵan áıeldi qutqaryp qaldy
ASTANA. KAZINFORM – Atyraýda polıtsııa qyzmetkeri esinen tanyp qalǵan áıelge alǵashqy medıtsınalyq kómek kórsetti. Bul týraly ІІM baspasóz qyzmeti jazdy.
Atyraýda polıtsııa qyzmetkeri Roman Esmuhanov qaladaǵy marketterdiń birinde ózin jaısyz sezinip, esinen tanyp qulaǵan 32 jastaǵy áıel adamdy baıqap, birden kómekke umtylǵan.
Polıtseı áıel adamnyń jaǵdaıyn baǵalap, onyń qaýipsizdigin qamtamasyz etý úshin abaılap jatqyzyp, basyn qorǵap, tynys alýyn baqylaǵan. Jedel járdem qyzmetkerleri kelgenge deıin polıtsııa maıory áıeldiń janynan tabylyp, alǵashqy medıtsınalyq kómek kórsetken.
Qyzmet barysynda azamattardyń qaýipsizdigine beıjaı qaramaı, qıyn sátte der kezinde kómek kórsetý – polıtseılerdiń kásibı mindetine degen jaýapkershiliginiń kórinisi.
Roman Esmuhanovtyń jedel ári sabyrly áreketi azamatqa qajetti medıtsınalyq kómek kórsetilgenge deıin onyń qaýipsizdigin qamtamasyz etýge múmkindik berdi.
Aıta keteıik, TJM qyzmetkerleri Alakólde alty adamdy qutqardy.
