Polıtsııa «Qaırat» — «Real Madrıd» bıletterine qatysty zańsyz saýdany teksermek

ASTANA. KAZINFORM — Іshki ister mınıstriniń orynbasary Sanjar Ádilov Almatyda fýtboldan «Qaırat» — «Real Madrıd» kezdesýi qarsańynda bıletterdiń zańsyz satylýy múmkindigine qatysty pikir aıtty. 

Áleýmettik jelide bireýler bıletterdi aldyn ala alyp, keıin ony ústeme baǵamen saýdalap jatyr jegen ýáj aıtylǵan edi.

— «Qaırat» — «Real» matchyna bılet satý tóńiregindegi alyp-satarlyq jóninde ne aıtasyz? Bıletter jeke sáıkestendirý nómirleri (JSN) arqyly satylsa da, keıbireýler joǵary baǵada toptap satyp otyrǵany jaıynda shaǵymdar jarııalandy. Bul kúdikti áreketterdi tekseresizder me? — dep surady tilshiler Parlament Májilisindegi baspasóz máslıhatynda.

Óz kezeginde Sanjar Ádilov osy jaıynda endi ǵana estip jatqanyn aıtty.

— Tıisti shaǵym bolǵan jaǵdaıda, tekserý júrgizýge daıynbyz. Biraq ol úshin shaǵym bolýy kerek. Osy oraıda tergeý júrgizip, protsessýaldyq sheshim qabyldaımyz. Buǵan deıin shaǵymdy kórmedik. Alaıda kez kelgen jaǵdaıda mindetti túrde tekserý júrgizemiz, — dedi mınıstrdiń orynbasary.

Eske salsaq, «Qaırat» — «Real Madrıd» bıletteriniń resmı satylymyn júrgizgen Ticketon jankúıerlerdiń shaǵymyna baılanysty resmı málimdeme jasady.