Polıtsııa Germanııada kisi qolynan qaza bolǵan eks-sýdıanyń kúıeýi men enesine izdeý jarııalady
ASTANA. KAZINFORM — Іshki ister mınıstrligi Germanııada kisi qolynan qaıtys bolǵan Aıgúl Saılybaevanyń kúıeýi Aleksandr Dontsov pen onyń anasy Natalıa Dontsovaǵa izdeý saldy.
Quqyqtyq statıstıka jáne arnaıy esepke alý organdarynyń portalynda 29 jastaǵy Aleksandr Dontsov Qazaqstan azamaty, 51 jastaǵy Natalıa Dontsova TMD-ǵa múshe memlekettiń azamaty dep kórsetilgen.
Іzdestirý isi 9 jeltoqsan kúni Jetisý oblysynda tirkelgeni de jazylǵan.
Buǵan deıin Aıgúl Saılybaevanyń ólimine baılanysty ispen Bas prokýratýra aınalysyp jatqany aıtylǵan bolatyn.
Maýsym aıynda Syrtqy ister mınıstrligi Natalıa Dontsovanǵa halyqaralyq izdeý jarııalaǵan edi.
