Polıtsııa formasyn kıip, ádepsiz bı bılegen bloger jaýapqa tartyldy
ASTANA. KAZINFORM – Polıtsııa formasyn kıip, ádepsiz bı bılegen bloger jaýapqa tartyldy, dep habarlaıdy Polisia.kz.
Túrkistan oblysynda TikTok áleýmettik jelisine júrgizilgen monıtorıng barysynda polıtsııa qyzmetkerleri polıtsııa formasyna kıip, ádepsiz bı bılegen qyzdyń beınejazbasyn anyqtady.
Tekserý barysynda beınejazbanyń avtory Almaty qalasynyń 23 jastaǵy turǵyny Araılym Jıenbaeva ekeni anyqtaldy. Onyń áreketine quqyqtyq baǵa berildi.
Sot sheshimimen bloger ákimshilik jaýapkershilikke tartylyp, aıyppul salyndy.
-Polıtsııanyń nysandy kıimi áleýmettik jelide nazar aýdartýdyń quraly emes. Ár adam quqyqqa qaıshy áreketi úshin zań aıasynda qatań jaýapqa tartylady,-delingen habarlamada.
Osyǵan deıin Aqtóbe oblysynda TikTok-ta balaǵat sóz aıtqan turǵyn qamaýǵa alynǵan bolatyn.
