Polıtsııa formasymen tikeleı efırge shyqqan shymkenttik tıktoker jaýapqa tartyldy

ASTANA. KAZINFORM — Polıtsııa qyzmetkerleri TıkTok jelisinde polıtseı qyzdyń tikeleı efıriniń beınejazbasyn anyqtady.

Polıtsııa formasyn kıgen qyz ІІO-nyń bedeline nuqsan keltiretin jáne ony tómendetetin, ofıtser ataǵyna laıyqsyz áreketter kórsetken.

Tártip saqshylary áleýmettik jeli qoldanýshysyn anyqtady.

— Ol polıtsııaǵa eshqandaı qatysy joq 24 jastaǵy azamat bolyp shyqty. Polıtsııanyń nysandy kıimin zańsyz kıgeni úshin quqyq buzýshyǵa qatysty ákimshilik hattama toltyryldy. Nysandy kıim tárkilenip alyndy. Polıtsııa aıyrym belgileri jáne (nemese) nyshany bar áskerı kıim nysanyn, sondaı-aq nysandy jáne arnaýly kıimdi zańsyz kıip júrý (paıdalaný) quqyq buzýshylyqqa jatatynyn eskertedi. Bul úshin nysandy kıim tárkilenip, ákimshilik aıyppul salynady, — delingen Shymkent qalasy PD habarlamasynda.

Budan buryn Almatyda aqsha bopsalaǵan eki bloger ustalǵanyn jazǵan edik.