Polıtsııa Ekibastuzda joǵalyp ketken 7 jasar qyzdy óltirýi múmkin kúdiktini anyqtady

Pavlodar oblysynda joǵalyp ketken 7 jasar qyzdy anasy óltirgen bolýy múmkin degen kúdik keltirilip otyr, dep habarlaıdy Kazinform Polisia.kz saıtyna silteme jasap.

Jedel-izdestirý jáne tergeý is-sharalaryn júrgizý barysynda kámeletke tolmaǵan 2015 jyly týǵan Davydova Mılananyń belgisiz joǵalyp ketýiniń mán-jaılary men sebepteri anyqtaldy.

Kámeletke tolmaǵan balany óltirdi degen kúdikpen polıtsııa qyzmetkerleri onyń ótinishi boıynsha qylmystyń izderin jasyrǵan anasy men tanysyn ustady. Ustalǵandar qylmysyn moıyndady.

Kisi óltirý faktisi boıynsha QR QK 99-babynyń 3-bóligi boıynsha sotqa deıingi tergeý bastaldy. Qazirgi ýaqytta qajetti tergeý áreketteri júrgizilýde. Oqıǵa ornynda mamandandyrylǵan top jumys isteıdi, Pavlodar oblysy PD, prokýratýra jáne Pavlodar oblysy ákimdiginiń basshylyqtary bar.

Osyǵan deıin Pavlodar oblysynda 7 jasar qyzdy izdeýge tikushaq jumyldyrylǵanyn jazdyq.

Sondaı-aq Pavlodar oblysynda joǵalyp ketken 7 jasar qyzdyń denesi tabylǵanyn jazdyq.