Polıtsııa dropper bolýdyń saldary qandaı bolatynyn túsindirdi

ASTANA. KAZINFORM – Abaı oblysy PD kıberqylmysqa qarsy kúres basqarmasynyń jedel ýákili Áset Egeýbaev dropper bolýdyń qanshalyqty qaýipti ekenin jáne zań boıynsha qandaı jaýapkershilik qaralǵanyn aıtyp berdi.

Dropper — óz atyna bank kartalaryn nemese onlaın-ámııandaryn ashyp, olardy bógde adamdarǵa zańsyz operatsııalar jasaý úshin beretin adam. Alaıaqtar kóbine urlanǵan qarjyny dál osy kartalar arqyly aýdaryp, sheship alady.

Kópshiligi muny jaı kómek dep qabyldaýy múmkin, biraq shyn máninde bank kartańyzdy basqaǵa berý — qylmystyq shemaǵa qatysý bolyp sanalady.

Jaýapkershilik qandaı?

• Dropper qylmystyq jaýapkershilikke tartylady;
• Іs-áreket alaıaqtyqqa kómektesý, aqshany zańdastyrý nemese qylmystyq topqa qatysý retinde saralanýy múmkin;
• Jaza — iri aıyppuldan bastap bostandyǵyn shekteý nemese bas bostandyǵynan aıyrýǵa deıin.

Polıtsııa bank kartańyzdy belgisiz adamdarǵa berý qaýipti ári zań aldynda jaýapqa ákeletin áreket ekenin eskertedi.

Aıta keteıik, 22 qazan kúni dropperlikke qatysty 7 qylmystyq is tirkeldi.