Polıtsııa dron paıdalanýdy meńgerip jatyr
ASTANA. KAZINFORM — ІІM krımınalısteri drondardy paıdalanýdy meńgerip jatyr.
Tsıfrlyq sheshimderdi, zamanaýı tehnologııalar men ozyq jumys tásilderin engizý máseleleri Іshki ister mınıstri Erjan Sadenovtiń erekshe baqylaýynda.
Júrgizilip jatqan jańǵyrtý jumystary aıasynda vedomstvo basshysynyń tapsyrmasymen ІІM jedel-krımınalıstıkalyq departamentiniń bazasynda ushqyshsyz avıatsııalyq júıelerdiń oqý-jattyǵý zerthanasy ashyldy.
Zerthana ishki ister organdarynyń krımınalıstıkalyq jáne ózge de bólimsheleri qyzmetkerlerin qyzmettik mindetterdi oryndaý kezinde ushqyshsyz ushý apparattaryn tıimdi paıdalanýǵa daıarlaýǵa arnalǵan.
Oqý baǵdarlamasy teorııalyq daıyndyqty, arnaıy sımýlıatorlarmen jumys isteýdi jáne arnaıy jabdyqtalǵan polıgonda tájirıbelik ushýlardy qamtıdy. Meńgergen bilim men daǵdylar qyzmetkerlerge qylmystardy ashý jáne tergeý, izdestirý is-sharalaryn júrgizý, sondaı-aq qoǵamdyq qaýipsizdikti qamtamasyz etý barysynda zamanaýı tehnıkalyq quraldardy tıimdi qoldanýǵa múmkindik beredi.
Zerthananyń ashylýy ІІM-niń tsıfrlyq transformatsııa baǵytyn iske asyrýdaǵy, qyzmetkerlerdiń kásibı daıarlyǵyn arttyrýdaǵy jáne polıtsııa qyzmetine zamanaýı tehnologııalardy engizýdegi kezekti mańyzdy qadam boldy.
Aıta ketelik Qazaqstanda qaýipti óndiristik nysandardy JI baqylaıdy.
