Polıtsııa Dana Ormanbaevanyń áleýmettik jelidegi jazbasyna qatysty qylmystyq is qozǵady

ALMATY. KAZINFORM – Almaty polıtsııasy qoǵam belsendisi Dana Ormanbaevanyń áleýmettik jelidegi jazbalaryna qatysty qylmystyq is qozǵady.

«Almaty qalasy turǵynynyń áleýmettik jelilerde azamat D. Ormanbaevanyń ultaralyq arazdyqty qozdyrý belgileri bar qorqytýlar men qorlaý sózderin jarııalaýy týraly aryzy negizinde qalalyq polıtsııa bólimi qylmystyq is qozǵady. Tergeý múddesinde basqa málimetter jarııa etilmeıdi», - dep habarlady vedomstvodan.

Buǵan deıin bloger, jýrnalıst, qoǵam belsendisi Dana Ormanbaevanyń Instagram jelisindegi jazbalarynyń skrınshoty Telegram-arnalardyń birinde paıda bolǵan edi.

Aıta ketsek, búgin Májilis «Mass-medıa týraly» týraly zańdy jáne keıbir zańnamalyq aktilerge mass-medıa máseleleri boıynsha ózgerister men tolyqtyrýlar engizýdi kózdeıtin zańdy ekinshi oqylymda qabyldady.