Polıtsııa balalardyń demalys ortalyqtaryndaǵy qyzmetkerlerdi tekseredi
ASTANA. KAZINFORM – Búgin Úkimet otyrysynda Іshki ister mınıstri Erjan Sádenov demalys oryndarynda balalardyń qaýipsizdigin uıymdastyrýǵa qatysty túsinik berdi.
- Jańa talaptar engizildi. Endi, balalar lagerleri qosymsha bilim berý obektilerine jatqyzyldy. Olar terrorızm qaýpi turǵysynan osal obektiler sanatyna engizildi. Ákimdikter olardy qysqa merzimde óńirlik tizbesine engizý qajet, - dedi E. Sádenov.
Óz kezeginde Іshki ister mınıstrligi lager qyzmetshilerin tekserý (sottylyǵy, izdeýde bolýy, krımınaldyq esepter boıynsha), polıtsııa qyzmetkerlerin bekitý (aralaý, tekserý jáne t.b.), balalardy tasymaldaý kezindegi qaýipsizdikti qamtamasyz etedi.
Budan buryn habarlanǵandaı, oqýshylardyń jazǵy demalysy ortalyqtaryna polıtsııa ınspektorlary bekitildi.
