Polıtsııa Astanadaǵy «qarý arsenaly» týraly qaýesetti joqqa shyǵardy
ASTANA. KAZINFORM — Áleýmettik jelilerde taraǵan Astanada sheteldikterden qarý-jaraq arsenaly tabyldy degen aqparat shyndyqqa janaspaıdy.
Tekseris júrgizýge turǵyndardyń biri páterge kúmándi zat kirgizdi degen shaǵymy túrtki bolǵan.
Oqıǵa ornyna jedel jetken polıtsııa qyzmetkerleri tekserý jumystaryn júrgizdi.
Quzyrly organnyń málimetinshe, jáshiktiń ishinde tarıhı ári mádenı qundylyǵy bar antıkvarlyq qarý úlgileri bolǵan. Sarapshylardyń qorytyndysyna sáıkes, bul zattar zamanaýı atys qarýyna jatpaıdy jáne turǵyndarǵa eshqandaı qaýip tóndirmeıdi.
Sonymen qatar, atalǵan derek boıynsha qoldanystaǵy zańnama aıasynda tekserý júrgizilip jatyr. Polıtsııa azamattardy sabyr saqtaýǵa jáne jalǵan aqparat taratpaýǵa shaqyrdy.
Eske sala keteıik, buǵan deıin elimizde zańsyz saqtalǵan atys qarýyn, oq-dáriler men jarylǵysh zattardy erikti túrde satyp alý boıynsha respýblıkalyq aktsııa bastalǵan bolatyn. Bul shara qoǵamdyq qaýipsizdikti qamtamasyz etýge jáne tirkelmegen qarýdy qoldanýmen jasalatyn qylmystardyń aldyn alýǵa baǵyttalǵan.
