Polıtsııa almatylyqtarǵa kóligin qysqa qazirden ázirleýdi eskertti

ALMATY. KAZINFORM – Almatyda aldaǵy kúnderi jaýyn-shashyn túsip, aıaz bolady jáne aýa temperatýrasy birshama tómendeıdi. Polıtsııa turǵyndardy jolda saq bolýǵa úndedi.

Vedomstvonyń baspasóz qyzmeti qolaısyz aýa raıy joldaǵy jaǵdaıǵa da áser etetinin atap ótti.

Quqyq qorǵaý qyzmetkerleri júrgizýshilerdi saqtyq pen qyraǵylyq tanytýǵa, sondaı-aq kólik quraldaryn qysqy maýsymǵa aldyn ala daıyndaýǵa úndedi.

– Jaýyn-shashynnyń mol túsýi qaladaǵy jol qozǵalysyn aıtarlyqtaı qıyndatatyny belgili: keptelis bolady. Alaıda tájirıbe mundaı jaǵdaılardyń basty sebebi — jol qozǵalysyna qatysýshylardyń tártipsizdigi ekenin kórsetip otyr. Keıbir júrgizýshiler jyldamdyqty tómendetpeıdi, apattyq jaǵdaı týdyrady, qaýipti manevrler jasaıdy, ózara syılastyq tanytpaıdy, al jaıaý júrginshiler joldy ruqsat etilmegen jerden kesip ótedi. Munyń bári joldaǵy jaǵdaıǵa kesirin tıgizedi, - dedi Almaty polıtsııa departamenti qoǵamdyq qaýipsizdik basqarmasy bastyǵynyń orynbasary Tımýr Noǵaıbaev.

Sonymen qatar departament jol-kólik oqıǵalarynyń sany aýa raıy qolaısyz bolǵan kúnderi aıtarlyqtaı artatynyn málimdedi.

Eske salaıyq, munyń aldynda Almatyda aýa raıynyń kúrt buzylýyna baılanysty kommýnaldyq qyzmetter táýlik boıy jumys isteý rejımine aýysqanyn habarlaǵan edik.

«Almaty Tazalyq» kásiporyndarynyń bazalarynda júrgizýshiler, mehanızatorlar men jumysshylar táýlik boıy kezekshilik atqarady. Qar túspeı turyp, magıstraldyq kóshelerge aldyn ala suıyq reagentter sebiledi.