Polıtsııa alaıaqtyqtyń jańa túri týraly eskertti
ASTANA. KAZINFORM — ІІM azamattardy jańa alaıaqtyq tásilden saq bolýǵa shaqyrady.
— Alaıaqtar azamattarǵa qońyraý shalyp, ózderin memlekettik organnyń qyzmetkeri retinde tanystyrady. Olar «Siz salyq deklaratsııasyn ýaqytynda tapsyrmaǵansyz» dep sendiredi. Osylaısha, bank shottaryńyz buǵattalýy múmkin ekenin aıtyp qorqytady. Máseleni úsh kún ishinde «sheshý qajet» degen syltaýmen qysym kórsetedi.
«Jeke basyńyzdy rastaý kerek» dep azamattardan SMS arqyly kelgen kodty suraıdy. Osy kodty alǵan soń, alaıaqtar banktik shottarǵa qol jetkizip, qarajatty zańsyz ıemdenedi, — delingen habarlamada.
Memlekettik organ qyzmetkerleri mundaı mazmundaǵy qońyraýlar shalmaıdy jáne eshqashan SMS-kodtar men rastaý derekterin suramaıdy;
Eshqashan bógde adamdarǵa SMS-kodtardy, bank kartasynyń nómiri men parolin, jeke málimetterdi bermeńiz;
Eger kúdik týdyratyn qońyraý alsańyz, áńgimeni dereý toqtatyp, «102» nómiri arqyly polıtsııaǵa habarlasyńyz.
Aıta ketelik Máýlen Áshimbaev dıpfeık avtorlaryn alaıaqtyq pen zańsyz aqsha jınaǵany úshin jaýapqa tartýǵa shaqyrǵan edi.
