Polıtsııa 25 jyl buryn Oral qalasynda bolǵan eki adam óltirý qylmysyn ashty

ASTANA. KAZINFORM – Іshki ister mınıstrligi prokýratýramen birlesip, 25 jyl buryn Oralda bolǵan adam óltirý qylmysyn ashty, dep habarlaıdy Polisia.kz.

Júrgizilgen jedel is-sharalardyń nátıjesinde eki kúdikti – tapsyrys berýshi men oryndaýshy ustaldy.

Qaıǵyly oqıǵa 2000 jyldyń jeltoqsanynda oryn alǵan. Onda eki turǵyn oq jaraqatynan qaza tapqan. Qylmystyń jasalýyna qarjylyq kelispeýshilik sebep bolǵan.

- Tikeleı dálelderdiń bolmaýyna baılanysty qylmys uzaq ýaqyt boıy ashylmady. Alaıda jedel-tergeý tobynyń muqııat jumysynyń arqasynda oqıǵalar tizbegin qalpyna keltirip, kúdiktilerdi anyqtaý múmkin boldy. Sotqa deıingi tergep-tekserý barysynda olardyń qylmysqa qatystylyǵyn rastaıtyn qosymsha aıǵaqtar alyndy. Qylmystyq is "Aldyn ala sóz baılasý boıynsha toptyń eki nemese odan da kóp adamdy óltirýi" baby boıynsha júrgizilýde. "Zań jáne Tártip" qaǵıdatyn qamtamasyz etý jumysy erekshe baqylaýda, - dep atap ótti ІІM krımınaldyq polıtsııa departamentiniń bastyǵy Qanat Nurmaǵambetov.

Buǵan deıin BQO-da túrmege «tramadoldyń» 95 tabletkasy sálemdeme retinde jiberilmek bolǵan.