Polıtseıler jas qyzdy ólimnen qutqardy
ALMATY. KAZINFORM - Almaty oblysynda polıtseıler jas qyzdyń ómirin saqtap qaldy.
ІІM baspasóz qyzmetiniń habarlaýynsha, 16 qańtarda Jambyl aýdandyq polıtsııa bóliminiń «102» pýltine habarlama túsken. Qyzdyń aıtýynsha, Qarǵaly aýylynda turatyn qurbysy ómirmen esep aıyrysýǵa nıetti.
Atalǵan mekenjaı boıynsha shaqyrtýǵa patrýldik polıtsııa jasaǵy kezekshiliktegi Ernar Quttybaev pen Nurbol Kartanbaev bardy. Oqıǵa ornyna kelgen polıtseıler úıdiń esigi qulyptaýly ekenin anyqtady.
Kóp oılanbaı, olar terezeni syndyryp, ishke kirýge sheshim qabyldady. Bólmelerdiń birinde tártip saqshylary tamyrlaryn kesken jas qyzdy tapty.
Polıtseıler jábirlenýshini dereý túrde aýyr jaǵdaıda aýyldyq aýrýhanaǵa jetkizdi. Baqytyna oraı, dárigerler onyń jaǵdaıyn turaqtandyra aldy, qazir ol jalpy bólimge aýystyryldy.
Almaty oblysynda muǵalim men onyń ákesi soqqyǵa jyǵylǵan oqıǵa týraly jazǵan bolatynbyz.