16:56, 14 Qyrkúıek 2025 | GMT +5
Polıtseıler «Shymkent Marathon – 2025» is-sharasyna qatysty
ASTANA. KAZINFORM – Shymkentte mereıtoılyq «Shymkent Marathon – 2025» is-sharasy ótti. Eldegi eń iri sporttyq sharalardyń biri sanalǵan marafonǵa álemniń túkpir-túkpirinen myńdaǵan áýesqoı men kásibı sportshy jınaldy.
Qatysýshylar qatarynda polıtsııa qyzmetkerleri de boldy. Qalalyq polıtsııa departamentiniń 50-den astam ókili megapolıs turǵyndary men qonaqtarymen birge qashyqtyqty eńserdi.
— Mundaı sporttyq is-sharalarǵa qatysý biz úshin mańyzdy. Bul ózara túsinistik pen komandalyq rýhty nyǵaıtyp qana qoımaı, salaýatty ári belsendi ómir saltyna yntalandyrady, — deıdi tártip saqshylary.
Eske sala keteıik, buǵan deıin elimizde «Quqyqtyq tártip» jedel-profılaktıkalyq is-sharasy bastalǵanyn jazǵan edik.