Polıtseıler ómirin qaterge tigip, turǵyndardy órtten qutqaryp qaldy
ASTANA. KAZINFORM – Almaty oblysy Alataý qalasy patrýldik polıtsııa qyzmetkerleri órtten adamdardy qutqaryp, batyldyq pen janqııarlyq tanytty.
ІІM baspasóz qyzmetiniń málimetinshe, qyzmet atqarý kezinde patrýldik polıtseıler B.Úmbetálıev pen N.Baqbergen Yntymaq shaǵynaýdanynyń kósheleriniń birinde ornalasqan turǵyn úıden shyqqan órtti baıqaǵan.
Polıtsııa qyzmetkerleri oqıǵa ornyna dereý jetip, birden adamdardy qutqarýǵa kiristi. Olar óz ómirin qaterge tige otyryp, úı ishinde bolǵan azamattardy qaýipsiz jerge evakýatsııalap, jalynnyń odan ári taralýyna jol bermeý úshin qajetti sharalardy qabyldady.
Denesiniń kúıik alǵanyna qaramastan, polıtseıler órt sóndirý qyzmeti kelgenge deıin órtti sóndirýge belsendi túrde atsalysty.
Polıtsııa qyzmetkerleriniń batyl ári kásibı áreketteriniń arqasynda adam ómiri saqtalyp, yqtımal aýyr zardaptyń aldyn alý múmkin boldy.
Buǵan deıin egiz polıtseılerdiń ómiri týraly jazǵan bolatynbyz.
