Polıtseıler men qutqarýshylar jol apatynan keıin sheteldikterge jedel kómek kórsetti
ASTANA. KAZINFORM – Qostanaı oblysynda polıtseıler men qutqarýshylar jol apatynan keıin sheteldikterge kómekke keldi.
ІІM baspasóz qyzmetiniń málimetinshe, 2 naýryzda tańerteń Rýdnyı-Qashar-Fedorov tas jolynda kishigirim jol apaty boldy. Eki kólik — Hyundai jáne mınıven jol jıeginen shyǵyp ketti. Salonda shet memleketterdiń 11 azamaty, onyń ishinde bir bala boldy.
Abyroı bolǵanda, oqıǵa saldarynan eshkim zardap shekken joq, degenmen eki kólik te joldan shyǵyp ketken. Aqparat alǵannan keıin oqıǵa ornyna polıtsııa qyzmetkerleri men qutqarýshylar jedel keldi.
Jedel qyzmetterdiń úılesimdi jumysynyń arqasynda avtokólikter jolǵa shyǵarylyp, jolaýshylarǵa qajetti kómek kórsetildi. Jol-kólik oqıǵalarynyń barlyq qatysýshysy olardy qutqarǵan azamattarǵa kásibıligi men jedeldigi úshin alǵys bildirip, sodan keıin óz baǵyttaryn jalǵastyrdy.
Polıtsııa departamenti júrgizýshilerge jolda, ásirese qolaısyz aýaraıynda saq bolýdyeske salady.
Aýa raıynyń buzylýyna baılanysty eki oblystaǵy respýblıkalyq joldar jabylǵanyn jazǵan bolatynbyz.