Polıtseıler qalyń tumanda 700 qoıymen birge adasyp ketken qoıshyny tapty

TARAZ. KAZINFORM – Jambyl aýdanyndaǵy sharýa qojalyqtardyń birinde eki kún buryn qoıshy 700 qoıymen birge qumdy aýmaqta adasyp ketken.

Polisia.kz jazǵandaı, habarlama túsken sátte jedel túrde oqıǵa ornyna shyqqan polıtsııa qyzmetkerleri izdestirý jumystaryn júrgizdi. Polıtsııanyń jedel ári kásibı áreketiniń nátıjesinde 24 saǵatqa jetpeı aýdan ortalyǵynan 200 shaqyrym jerde qoıshy da, onyń maly da tabyldy.

Foto: vıdeodan alynǵan skrın

- Túnde tońyp qalmaý úshin uıyqtamaýǵa tyrystym. Úsh kúnge jýyq tamaq ishpegendikten álsirep qaldym. Meni tapqan polıtsııa qyzmetkerleri jaǵdaıymdy kórip, birden jyly orynǵa aparyp, aıran men nan berdi. Alǵysym sheksiz, - dedi turǵyn.

Buǵan deıin Túrkistan oblysynda qoıshy aýyldan jolǵa shyqqan 4 azamat joǵalyp ketkenin jazǵan edik.