Polıtseıdiń sizdiń jeke kýáligińizdi ózimen birge alyp ketýge quqyǵy bar ma – zańger jaýaby

ÓSKEMEN-KAZINFORM - Polıtsııa qyzmetkeri sizdiń jeke kýáligińizdi ózimen birge alyp ketýge quqyǵy bar-joqtyǵyn zańger Alekseı Bajkov aıtyp berdi.

Quqyq qorǵaý organynyń qyzmetkerleri azamattardy túrli sebeptermen kóshede toqtatyp jatady. Sol kezde jeke kýálikti suraıtyn kezder de bolady. Al tártip saqshysynyń sizdiń jeke kýáligińizdi qaıtarmaı, ózimen birge alyp ketýge quqyǵy bar ma? Osy suraqqa zańger Alekseı Bajkov jaýap berdi.

- QR «Іshki ister organdary týraly» Zańnyń 6-babyna sáıkes, polıtseıler óz quzyreti sheginde azamattardyń jeke basyn kýálandyratyn qujattaryn jáne tekserý úshin qajetti ózge de qujattardy tekserýge quqyly. Zańda jeke kýálikti alyp ketý quqyǵy qarastyrylmaǵan, ıaǵnı polıtseı sizdiń kýáligińizdi ózimen birge alyp kete almaıdy, - deıdi ol.