Polıomıelıtti juqtyrýdy boldyrmaý maqsatynda ýaqtyly vaktsınatsııalaý qajet - QR DSM
ASTANA. 4 qarasha. QazAqparat - Dúnıejúzilik densaýlyq saqtaý uıymynyń (budan ári - DDU) derekteri boıynsha qazirgi kezde álemde polıomıelıt boıynsha epıdemıologııalyq jaǵdaı shıeleniskenin habarlaıdy. 2013 jylǵy 29 qazandaǵy jaǵdaı boıynsha Sırııanyń soltústik-shyǵysyndaǵy Deır-ez-Zor provıntsııasynda 1 tıpti polıomıelıt aýrýynyń 10 jaǵdaıy tirkeldi. Osy aýrýǵa kúdikti taǵy 12 adamda sońǵy dıagnoz qoıylmaǵan, sebebi zerthanalyq zertteý nátıjesi kútilýde, dep habarlaıdy QR Densaýlyq saqtaý mınıstrliginiń baspasóz qyzmetinen.
Budan basqa, álemde birneshe el áli de polıomıelıt boıynsha qolaısyz el bolyp qalyp otyr - bul Aýǵanstan, Nıgerııa, Pákistan, Somalı, Kenııa jáne Efıopııa.
Vırýstyń ákelinýi men Qazaqstan Respýblıkasy halqynyń arasynda onyń odan ári taralýynyń aldyn alý maqsatynda jiti enjar paralıchterdi epıdemıologııalyq qadaǵalaýdyń belsendi júıesi júzege asyrylýda. Profılaktıkalyq jáne epıdemııaǵa qarsy is-sharalar turaqty júrgiziledi.
Tek ımmýndaý jolymen ǵana polıomıelıttiń aldyn alýǵa bolady. Profılaktıkalyq, onyń ishinde polıomıelıtke qarsy ekpeler, turǵylyqty jeri boıynsha medıtsınalyq uıymdarda memlekettik bıýdjet qarajat esebinen júrgiziledi.
Polıomıelıtti juqtyrýdy boldyrmaý maqsatynda QR DSM óz balalaryńyzdy Qazaqstan Respýblıkasy Úkimeti bekitken merzimderde polıomıelıtke qarsy ýaqtyly vaktsınatsııalaýdy usynady.
