Polıomıelıtke qarsy vaktsına egilmegen balalar Qazaqstan aýmaǵyna jiberilmeıdi - Keńes Ospanov
ASTANA. Mamyrdyń 17-si. QazAqparat /Rýslan Ǵabbasov / - Polıomıelıtke qarsy vaktsına egilmegen balalar Qazaqstan aýmaǵyna jiberilmeıdi. Bul týraly búgin Astanada atalǵan máselege baılanysty ótken brıfıngte Densaýlyq saqtaý mınıstrliginiń Memlekettik sanıtarlyq-epıdemıologııalyq baqylaý komıtetiniń tóraǵasy Keńes Ospanov málim etti,
dep habarlaıdy QazAqparat.
«Sondaı-aq olar shekarada ary-beri júgirmes úshin sol jerde bizdiń sanıtarlyq-karantındik beketter bar. Búginde respýblıka boıynsha bizde osyndaı 77 beket jasaqtalǵan», dedi ol.
K. Ospanovtyń sózine qaraǵanda, bul sharalar óz kezeginde shetelden kelgen balalardyń, ásirese aýrý oshaǵy paıda bolǵan elderden Qazaqstanǵa kelgen balalarǵa vaktsına egýge baǵyttalǵan.
«Eger balaǵa vaktsına egilse, 14 kúnniń ishinde polıomıelıtke qarsy ımmýnıtet paıda bolady», dedi komıtet tóraǵasy.
Onyń aıtýynsha, búginde elimizde júrgen sheteldik balalarǵa vaktsına tegin egilmek.
