Polına Ivanova Azııa oıyndarynda syryqpen sekirýden qola júlde enshiledi
ASTANA. KAZINFORM — Jeńil atletıkadan Qazaqstan quramasynyń ókili Polına Ivanova Aıchı jáne Nagoıada (Japonııa) ótip jatqan 2026 jylǵy Azııa oıyndarynda qola júldege ıe boldy, dep habarlaıdy UOK baspasóz qyzmeti.
Áıelder arasyndaǵy syryqpen sekirý saıysynyń fınalynda Ivanova 4,15 metr bıiktikti baǵyndyrdy. Úndistandyq Baranıka Elangovan da dál osyndaı nátıje kórsetti. Eki sportshy úshinshi orynǵa jaıǵasty.
Jarysta japonııalyq Mısakı Morota 4,55 metr bıiktikti baǵyndyryp, jeńimpaz atandy. Qytaılyq Nıý Chýnge 4,50 metr nátıjesimen ekinshi oryn aldy.
Qazaqstannyń taǵy bir ókili Anna Cherkashına 4,00 metr nátıjesimen jetinshi orynǵa ıe boldy.
Budan buryn Alına Chıstıakova 20 jyldan keıin elge jetisaıystan júlde ákelgenin jazǵanbyz.
