Polımerlik lıýkter Astananyń qaı aýmaǵynda ornatylady
ASTANA. QazAqparat - Jańa kommýnıkatsııa jobalarynda kompozıttik materıaldardan jasalǵan lıýkter ornatý qarastyrylady, dep habarlaıdy Astana ákimdiginiń resmı saıty.
Polımerlik-qumdy buıymdar qaýipsizdik tehnıkasy men ekologııalyq normalardy eskere otyryp jasalady, sondaı-aq qazirgi zamanǵy ónerkásiptiń barlyq talaptaryna saı kelip, jelilerdi tóseý kezinde jasyryn kommýnıkatsııalarǵa qol jetkizýdi ońaı qamtamasyz etedi. Mundaı lıýkter metall synyǵy retinde jaramsyz bolyp tabylady, sondyqtan olardy urlaý faktileri barynsha azaıtylýy tıis.
Alaıda, polımerli-qumdy lıýkter úlken júktemege tótep bere almaıdy, sondyqtan jańa jobalardy iske asyrý kezinde olar tek qana kógaldar men trotýarlarda paıdalanylatyn bolady. Ashyq lıýkter máselesi ákimdiktiń turaqty baqylaýynda. Paıdalanýshy uıymdar kún saıyn ashyq qudyqtardy anyqtaý jáne jabý sharalaryn atqaryp, monıtorıng ortalyǵyna túsetin ótinimder tóńireginde jumys isteıdi. Astana qalasynyń polıtsııa departamenti lıýkterdi urlaýdyń aldyn alý jáne jolyn kesý boıynsha jedel-reıdtik is-sharalardy únemi ótkizedi.
Polıtsııa organdary memlekettik kirister departamentiniń ókilderimen birlesip, metall synyqtaryn qabyldaý pýnktterin tekserý boıynsha aýqymdy is-sharalar ótkizýde. Ruqsat berý qujattamasy bolmaǵan jaǵdaıda, olardy jabýǵa barlyq qajetti sharalar qabyldanady. Qoldanystaǵy lıýkterde metall torlar ornatylady. Olar lıýktiń qaqpaǵy urlanǵan jaǵdaıda qudyqqa adamdardyń, janýarlardyń, bógde zattardyń qulaýynan qorǵaý quraly bolyp tabylady.
Búgingi tańda 9 myńnan astam lıýk torlarmen jabdyqtalǵan. Torlar qaqpaqtary jıi urlanatyn qudyqtarǵa ornatylady. Metall torlar tereńdigi qaýip tóndirmeıtin qudyqtarǵa ornatylmaıdy.
