Polymbet Hasanov Atyraý oblysy kásipkerlik jáne ónerkásip basqarmasyna basshy boldy

Atyraý oblysy ákiminiń ókimimen kásipkerlik jáne ónerkásip basqarmasynyń basshysy taǵaıyndaldy. Bul laýazymdy osy kezge deıin Isataı aýdanynyń ákimi bolǵan Polymbet Hasanov atqarady, dep habarlaıdy Kazinform.

Oblys ákimi Serik Shápkenov jańa basshyny ákimdik otyrysynda tanystyryp, aldaǵy qyzmetine sáttilik tiledi.

Polymbet Hasanov 1980 jyly Inder aýdanynda dúnıege kelgen. Qazirgi zamanǵy gýmanıtarlyq ýnıversıtetin zańger mamandyǵyn bitirgen. Keıin H.Dosmuhamedov atyndaǵy Atyraý memlekettik ýnıversıtetinen ekonomıka jáne basqarýdaǵy bıznes-analıtıka magıstri dárejesin alǵan.

Eńbek jolyn 2002 jyly oblystyq ishki ister departamentiniń júıesinde bastap, 2005 jylǵa jumys istegen. 2005-2006 jyldary oblystyq kásipkerlik jáne ónerkásip departamentinde bas maman, 2006-2010 jyldary oblys ákimi apparatynda bas maman, bas ınspektory bolǵan.

2010-2014 jyldar aralyǵynda Maqat aýdany ákimi apparatynyń basshysy, aýdan ákiminiń orynbasary laýazymyn atqarǵan. 2014 jyly oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, 2014-2019 jyldar aralyǵynda Atyraý qalasy ákimi apparatynyń basshysy, keıinnen Atyraý qalasy ákiminiń orynbasary, 2019-2021 jyldar aralyǵynda oblys ákimi apparaty basshysynyń orynbasary bolyp jumys istegen.

2021 jyldan osy taǵaıyndalýǵa deıin Isataı aýdany ákimi qyzmetin atqaryp keldi.
Eske sala ketelik, budan buryn Atyraý oblysynda eki aýdanǵa ákim saılanǵanyn habarlaǵan bolatynbyz.