Polıgonǵa irgeles turatyn aýmaqtaǵy múgedekterge kómek retinde 154 mln teńge qarastyryldy
ORAL. QazAqparat - Batys Qazaqstan oblysy ákimdiginiń qaýlysymen jáne jergilikti máslıhat sheshimimen «Kapýstın ıAr» jáne «Azǵyr» polıgondarymen shektesetin oblystyń alty aýdanynda (Aqjaıyq, Bókeı ordasy, Jańaqala, Jánibek, Qaztalov, Qaratóbe) turatyn múgedekterge 2005 jyldan bastap áleýmettik kómek túrleri tólenip keledi.
Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Samat Hangereevtiń aıtýynsha, sonyń ishinde bala kezinen múgedekterge, on segiz jasqa deıingi múgedek balalarǵa, birinshi toptaǵylarǵa - 2 AEK, ekinshi toptaǵylarǵa - 1,5 AEK, úshinshi toptaǵylarǵa 1 AEK kóleminde kómek aı saıyn tólenýde. Buǵan jergilikti bıýdjetten udaıy qarjy bólinedi. Mysaly, 2013 jyly 4 028 múgedekke - 126,3 mln teńge, 2014 jyly 4028 múgedekke - 141 mln teńge, 2015 jyly 4 040 múgedekke 144,1 mln teńge jumsaldy. Bıyl bul maqsatqa jergilikti qazynadan 154 mln teńge qaralyp otyr.
Aıta keteıik, QR Úkimeti basshysynyń birinshi orynbasary B.Saǵyntaevtyń 2015 jylǵy 30 qyrkúıektegi №11-17/7220 (2011 j.) tapsyrmasyna sáıkes Atyraý jáne Batys Qazaqstan oblystaryndaǵy «Azǵyr» jáne «Kapýstın ıAr» polıgondaryna irgeles ornalasqan eldi mekenderdi áleýmettik-ekonomıkalyq damytý boıynsha 2016-2020 jyldarǵa arnalǵan is-sharalar jospary (jol kartasy) bekitilgen. Osy josparǵa oraı eldi mekenderdiń damý kórsetkishterine saraptama jasalyp, sol aýyldardy damytýǵa qatysty usynbalar ázirlenýde. BQO ekologııa departamentiniń málimetine qaraǵanda, aldaǵy ýaqytta Reseı memleketi jalǵa alǵan 600 myń gektardaı jer Batys Qazaqstan oblysyna qaıtarylmaq. Bul boıynsha da tıisti jumystar atqarylatyn bolady.
