Polıgondaǵy órt: Almaty oblysynyń trassasynda kólik qozǵalysy shekteldi

ASTANA. KAZINFORM — «QazAvtoJol» UK baspasóz qyzmeti Almaty oblysynda kólik qozǵalysyna ýaqytsha shekteý qoıý týraly shuǵyl aqparat taratty.

2025 jylǵy 19 maýsym kúni saǵat 20:30 shamasynda Almaty oblysynda «Almaty — Taldyqorǵan — Óskemen — Shemonaıha — RF shekarasy» avtojolynyń 29-38 shaqyrym aralyǵyndaǵy ýchaskesinde (Baıserke kópirinen Álı kópirine deıin) kóliktiń barlyq túriniń qozǵalysyna ýaqytsha shekteý engizildi.

— Sebebi joldyń boıyndaǵy qoqys polıgonynda órt shyǵyp, qalyń tútin men joldy kórý múmkindigi bolmaı tur. Joldy 2025 jylǵy 19 maýsym saǵat 23:00–de ashý josparlanǵan. Qozǵalysty resmı túrde ashqanǵa deıin jolǵa shyqpaýdy usynamyz, — delingen habarlamada.

TJM málimetinshe, Almaty oblysyndaǵy QTQ polıgonyndaǵy janýdy sóndirý jumystary júrgizilip jatyr. Órtti joıýǵa TJD jáne JAO kúshteri men quraldary jumyldyryldy

— Alakól qalasy Álı aýylynyń mańynda qatty turmystyq qaldyqtar polıgonynyń aýmaǵynda qoqys órtendi. Oqıǵa ornynda jerdi qalpyna keltirý, topyraqpen toltyrý jáne órtti sóndirý jumystary júrgizilip jatyr. Zardap shekkender joq. Órttiń sebebi anyqtalady, — delingen vedomstvo habarlamasynda.

Budan buryn Almaty oblysy Uzynaǵash aýyly mańyndaǵy turmystyq qatty qaldyqtar polıgony janyp jatqanyn jazǵanbyz.