Polıgon zardabyn tartqan azamattarǵa jeńildik laıyqty deńgeıde bolýy qajet - Toqaev

SEMEI. QazAqparat - Polıgon zardabyn tartqan azamattarǵa jasalatyn jeńildik laıyqty deńgeıde bolýy qajet. Bul týraly týraly Memleket basshysy Qasym-Jomart Toqaev Semeı qalasynyń zııaly qaýym ókilderimen kezdesýinde aıtty, dep habarlaıdy QazAqparat QR Prezıdentiniń baspasóz hatshysy Berik Ýálıge silteme jasap.

«Polıgon zardabyn tartqan azamattarǵa jasalatyn jeńildik laıyqty deńgeıde bolýy qajet. Qazir «Semeı polıgonyndaǵy ıadrolyq synaqtyń taýqymetin tartqan turǵyndardy qorǵaý jáne ońaltýǵa arnalǵan buǵan deıingi sharalardyń tıimdiligi» jóninde arnaıy zertteý júrgizilýde.

Jyl sońyna deıin polıgon aımaǵyndaǵy turǵyndar men olardyń urpaqtaryna ıadrolyq synaqtardyń tıgizgen zııanyn naqtylap, áleýmettik kepildikterdiń kólemin anyqtaımyz.

Úkimetke polıgon aýmaǵyndaǵy halyqqa beriletin áleýmettik kómektiń mólsheri jóninde naqty usynystar ázirleýdi tapsyramyn», - dedi Qasym-Jomart Toqaev Semeı qalysynyń zııaly qaýym ókilderimen kezdesýinde.

Sondaı-aq, Prezıdent óńirdegi taǵy bir kúrdeli ahýal Semeıdegi ıAdrolyq medıtsına ortalyǵynyń qurylysyna qatysty bolyp otyrǵandyǵyna toqtaldy.

«Atalǵan másele 2012 jyldan beri aıtylyp keledi.Jaǵdaıdyń mán-jaıyn men jaqsy bilemin. Ortalyqtyń qurylysy ábden sozylyp ketti. Bul tıisti memlekettik organdardyń adam taǵdyryna sonshalyqty jaýapsyz qarap otyrǵanyn kórsetedi. Sondyqtan, aıtys-tartysty dereý toqtatyp, elge tıimdi ortaq mámilege kelý kerek. Oblys ákimi men Densaýlyq saqtaý mınıstrine ortalyqty jabdyqtap, qysqa merzim ishinde iske qosýdy qatań tapsyramyn», - dedi ol.

Memleket basshysy polıgonnyń saldarynan túrli dertke shaldyqqan azamattardy tıisti deńgeıde emdeýmen qatar, olarǵa ońaltý qyzmetin kórsetý múmkindikterin de qarastyrý qajettigine nazar aýdartty.

«Semeıde jáne osy óńirge qarasty aýyldarda 1300-den astam múmkindigi shekteýli bala bar. Qajetti jaǵdaı jasalmaǵan tar ǵımaratta ornalasqan ońaltý ortalyǵy bir ýaqytta 35 bala ǵana qabyldaı alady. Bul - shyndyq. Mundaı jaǵdaı múlde syn kótermeıdi. Oblys ákimine máseleni dereý qolǵa alyp, tıisti sharalar qabyldaýdy tapsyramyn. Qalada Balalardy ońaltý ortalyǵyn salý múmkindigin qarastyrý qajet. Bul polıgon aýmaǵyna qatysty atqarylatyn jumystar», - dedi Qasym-Jomart Toqaev.

Eske sala keteıik, Qazaqstan Prezıdenti Qasym-Jomart Toqaev Shyǵys Qazaqstan oblysyna jumys saparyn Semeı qalasynan bastalǵandyǵy týraly habarlaǵan bolatynbyz.