Polıglot-teńizshi: Qazaqstan Áskerı-teńiz kúshteriniń ofıtseri bes tildi meńgergen
ASTANA. KAZINFORM – Qazaqstan Respýblıkasy Qarýly kúshteri Áskerı-teńiz kúshteriniń ártúrli kemeler dıvızıonynda erekshe ofıtser qyzmet etedi — kapıtan-leıtenant Muǵatdın Mamedov.
Shymkent qalasynyń týmasy qazaq, orys, túrik, ázerbaıjan jáne aǵylshyn tilderin erkin meńgergen.
Áskerı qyzmetti bala kezinen armandaǵan ol ofıtserlik bilimdi Sankt-Peterbýrg qalasyndaǵy Áskerı-teńiz polıtehnıkalyq ınstıtýtynda aldy. 2021 jyldan bastap Muǵatdın Mamedov Aqtaýda qyzmet etýde. Onyń tildik qabiletteri jeke quramnyń ultaralyq qarym-qatynasyn nyǵaıtyp qana qoımaı, halyqaralyq yntymaqtastyqty damytýǵa da septigin tıgizip otyr.
Ofıtserdiń aıtýynsha, tilderdi bilý jańa múmkindikterge jol ashyp, qyzmetti tıimdi etip, halyqtar arasyndaǵy ózara túsinistikti arttyrady.
Aıta ketelik Ulttyq ulanda bes túrki tilin jetik meńgergen sarbaz qyzmet etip júr.