«Polıglot» respýblıkalyq baıqaýy aıaqtaldy

Bul týraly QR ІІM Tótenshe jaǵdaılar komıtetiniń Memlekettik til jáne aqparat basqarmasy habarlady.

Respýblıkalyq baıqaýǵa aýmaqtyq bólimshelerde jáne Komıtettiń Kókshetaý tehnıkalyq ınstıtýtynda ótkizilgen oblystyq baıqaýlardyń jeńimpazdary qatysty. Til jarysynda 16 óńir jeńimpazdary qatysty.

Baıqaýdyń maqsaty: Elbasy N.Á. Nazarbaevtyń «Tilderdiń úshtuǵyrlylyǵy» mádenı jobasyn iske asyrý.Úsh tildi - qazaq, orys, aǵylshyn jáne odan da kóp tilderdi jetik meńgergen qyzmetkerlerdi anyqtaý jáne qoldaý.

Іs-sharany QR ІІM Tótenshe jaǵdaılar komıteti tóraǵasynyń orynbasary general-maıor J.Q. Jumashev óziniń quttyqtaý sózimen ashyp, baıqaýdyń qatysýshylaryna sáttilik pen jeńis tiledi.

Baıqaýdyń sharttary boıynsha ár qatysýshy tapsyrmalardy úsh tilde oryndaıdy. Birinshi tapsyrmada qatysýshy ózin tanystyrdy, odan keıin azamattyq qorǵaý júıesinde jıi qoldanylatyn termınderdi aýdarý boıynsha jazbasha jumys oryndady.

Eń qyzyqty deńgeılerdiń biri shyǵarmashylyq boldy. Munda qatysýshylar jerebe boıynsha tańdalǵan tilderdiń birinde mýzykalyq nómirlerdi oryndady. Tapsyrmalardyń nátıjesi boıynsha TJ komıtetiniń jáne eldiń jetekshi joǵary oqý oryndarynyń qyzmetkerlerinen quralǵan quzyretti jáne ádil qazylar alqasy jeńimpazdardy anyqtady.

Birinshi oryndy Astana q. TJD ókili Muhamadıeva Uljan jeńip aldy. Ekinshi oryn Batys Qazaqstan oblysy TJD ókili Sársenǵalıeva Aıymjanǵa berildi. Úshinshi orynǵa Jambyl oblysynyń TJD ókili Ádilov Ersaıyn ıe boldy.

Sonymen qatar «Sálem - sózdiń anasy» atalymy boıynsha Bısenbekov Joldybek (Mańǵystaý oblysynyń TJD), «Termın bilgiri» atalymynda Omarbaeva Gúlnafıs (Qaraǵandy oblysynyń TJD), «Іlespe aýdarma sheberi» atalymy boıynsha Jumabekov Aslan (KTI), «Ónerliniń órisi keń» atalymynda Baımamanova Áıgerim (Aqtóbe oblysynyń TJD) júldeger atandy. «Kórermender kózaıymy» atalymynda Sklıar Anastasııa (ShQO TJD) jeńiske jetti.

TJ komıteti tóraǵasynyń orynbasary jeńimpazdarǵa dıplomdar men estelik syılyqtar tabystady.