Polıtsııaǵa jalǵan aryz jazǵan qaraǵandylyq áıel túrmege otyrýy múmkin
QARAǴANDY. QazAqparat – Qaraǵandyda polıtsııaǵa jalǵan aryz jazǵan áıelge qatysty sotqa deıingi tergeý júrgizilýde, dep habarlaıdy QazAqparat tilshisi.
24 qazanda Qaraǵandy qalasynyń 28 jastaǵy turǵyny Mıhaılov polıtsııa bólimine kelip, aryz jazǵan. Ol belgisiz tulǵa marshrýttyq avtobýs salonynda onyń 360 myń teńge turatyn uıaly telefonyn urlap ketkenin aıtqan.
Atalǵan derekti polıtsııa qyzmetkerleri QR QK-niń 188-baby 1-bóligi («Urlyq») boıynsha tirkegen.
Sotqa deıingi tergeý júrgizý barysynda polıtsııa qyzmetkerleri áıeldiń jalǵan aqparat jetkizgenin anyqtaǵan. Belgili bolǵandaı, ol óziniń qurbysymen birge atalǵan telefondy satyp jibergen. Keıin polıtsııaǵa onyń urlanǵanyn habarlaǵan.
Endi kelinshektiń ózine zań aldynda jaýap berýge týra keledi. Atalmysh derek boıynsha aryzdanýshyǵa qatysty QR QK-niń 419-baby 2-bóligi boıynsha sotqa deıingi tergeý bastaldy («Kórineý jalǵan habar jetkizý»). Bul bap 3 jylǵa deıin bas bostandyǵynan aıyrýdy kózdeıdi.
