Polıtsııaǵa jalǵan aqparat jetkizgen Aqmola turǵyny isti boldy
KÓKShETAÝ. QazAqparat – Aqmola oblysynyń turǵyny jalǵan sóılegen úshin isti boldy, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, 2020 jylǵy jeltoqsannyń 24-de Tselınograd aýdandyq polıtsııanyń kezekshi bólimine Qaraótkel aýylynyń 22 jastaǵy turǵyny habarlasyp, 23 jeltoqsan kúni túnde beıtanys eki adam ony tonap, 80 myń teńge aqshasyn tartyp alǵanyn aıtqan.
«Osy oqıǵaǵa baılanysty QR QK 191 baby «tonaý» boıynsha qylmystyq is qozǵalady. Alaıda, isti muqııat tekserý kezinde boıjetkendi eshkim tonamaǵany anyqtaldy», - deıdi vedomstvodan.
Keıin zardap sheken azamattyń ózi moıyndaǵandaı, ol bul aqshany anasyna berýi kerek edi. Ol paıda tappaqshy bolyp, «krıpto valıýta» satyp alǵan. Keıin aqshany qaıtara almaıtyn bolǵan soń, polıtsııaǵa jalǵan habar bergen.
«Jalǵan aryz negizinde bastalǵan sotqa deıingi tergeý isi toqtatylyp, jalǵan sóılegen qyzǵa qatysty Qylmystyq kodekstiń 419-babynyń 2 bóligi «kórineý jalǵan sóz jetkizý» boıynsha qylmystyq is qozǵaldy», - dep tolyqtyrdy vedomstvodan.
