Polıtsııaǵa shaqyrtý SMS arqyly jiberiletin bolady

ASTANA.  QazAqparat - Qazaqstannyń quqyq qorǵaý organdary turǵyndarǵa tergeý sharalary týraly aqparatty SMS-habarlamalar arqyly jiberedi, dep habarlaıdy QazAqparat tilshisi.

QR Bas prokýratýrasynyń qylmystyq quqyq buzýshylyqtar týraly shaǵymdy, habardy nemese raportty qabyldaý men tirkeý týraly erejege engizilgen ózgeristerge sáıkes, qylmystyq protsesti júrgizgen tulǵa 1414 nómiri arqyly Sotqa deıingi tergeýdiń biryńǵaı reestrindegi SMS-habarlama modýlin qoldana alady.

«SMS-shaqyrtý jiberý» fýnktsıonaly qylmystyq protsestiń naqty qatysýshysynyń tańdaýymen iske qosylady», - delingen qujatta.

SMS túrindegi habarlamany kúdiktiler, aıyptalýshylar jáne olardyń zańdy ókilderi, qorǵaýshylar, azamattyq jaýapkerler, zardap shegýshiler, jeke aıyptaýshylar, azamattyq talapkerler jáne olardyń zańdy ókilderi ala alady.

QR Bas Prokýrorynyń «Qylmystyq quqyq buzýshylyqtar týraly shaǵymdy, habardy nemese raportty qabyldaý men tirkeý týraly erejeni bekitý týraly» buıryǵy 2014 jyldyń 19 qyrkúıeginde shyqqan.