Polıtsııaǵa para retinde telefonyn usynǵan er adam isti boldy
Vedomstvonyń deregi boıynsha, oqıǵa 24 aqpanda oryn alǵan. Kókshetaý qalalyq PB kezekshilik bólimine ishimdik iship alǵan er adamnyń kóshede júrgeni jáne qoǵamdyq tártipti buzǵany týraly aqparat túsken.
Oqıǵa ornyna jetken tártip saqshylary er adamdy polıtsııa pýnktine jetkizgen. Er adam ákimshilik jaýapkershilikten qutylýy úshin polıtsııa qyzmetkerine uıaly telefonyn usynǵan. Osy kezde polıtsııa qyzmetkeri paradan bas tartyp, er adamǵa qylmystyq jaýapkershilikke tartylatynyn aıtyp eskertedi. Alaıda, er adam degeninen qaıtpaǵan.
«Qazirgi kezde, zańbuzýshynyń ústinen QR ÁQbK 440 baby (qoǵamdyq oryndarda alkogoldik ishimdik ishý jáne mas kúıinde bolý) boıynsha ákimshilik hattama toltyryldy, sondaı - aq, QR QK 367-babynyń 1-bóligi boıynsha (para berý) boıynsha sotqa deıingi tergeý amaldary júrgizilýde», dedi baspasóz qyzmetindegiler.