Polıtsııaǵa para bermek bolǵanTúrkııa bıznesmeni qolǵa tústi
ASTANA. QazAqparat - Sporttyq kıimderdi zańsyz tigýmen aınalysqan túrkııalyq kásipker Reseıdiń Kalýga oblysynda polıtsııa qyzmetkerine para bermekshi bolǵan kezinde ustaldy.
Bıznesmen polıtseıge jasyryn tsehty anyqtaý boıynsha tekserý júrgizbeýi úshin 5 myń dollar syıaqy bermek bolǵan.
Óńir boıynsha ІІM baspasóz qyzmeti habarlaýynsha, jasyryn tseh Maloıaroslavets qalasynda ornalasqan. Polıtsııa qyzmetkeri aqsha alýdan bas tartyp, onyń para bermekshi bolǵanyn basshylyqqa jetkizgen. Polıtseıdiń aqshadan bas tartqanyna qaramastan, kásipker jaýapkershilikten jaltarý úshin taǵy da para berýge áreket jasaǵan.
"Túrkııa azamaty aqsha usynyp jatqan kezde, qylmys ústinde qolǵa tústi. Atalmysh fakti boıynsha is qozǵaldy", - dep habarlandy baspasóz qyzmetinen.
