Polıtsııaǵa para bermek bolǵan Túrkistan turǵyny ustaldy
TÚRKІSTAN. QazAqparat - Túrkistanda tártip saqshysyna jol qozǵalysy erejelerin óreskelbuzyp, ony jasyrý úshin para bermekshi bolǵan júrgizýshi ustaldy, dep habarlaıdy QazAqparat.
Naqtyraq aıtsaq, qala turǵyny «Vaz-2107» markaly avtokóligimen qos syzyqty qıyp ótip, qarama-qarsy baǵytqa shyǵyp ketken.
Óziniń qyzmettik mindetin atqaryp júrgen Túrkistan QPB PPR-nyń ınspektory polıtsııa aǵa leıtenanty Batyr Alımov, júrgizýshige zańdy shara kórý maqsatynda QR ÁQBtK-niń 596-baby «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý» boıynsha hattama toltyrady. Odan ári kóligin aıypturaqqa qoıý kezinde júrgizýshiniń ákesi kelip, ulynyń mashınasyn aıypturaqtan shyǵarýǵa jáne ákimshilik quqyq buzýshylyq týraly hattamany toltyrmaýǵa qatysty ótinish aıtyp, aqsha usynady. Turǵynnyń bul zańsyz áreketteri tártip saqshylarynyń beınejetondaryna tirkelgen.
Quqyqbuzýshy óz kinásin tolyq moıyndap, oǵan qatysty QR ÁQBtK-niń 596-babymen hattama toltyrylǵan. Odan bólek, para usynǵan turǵynǵa qatysty QR QK-niń 367-baby 1-bóligi «Para berý» boıynsha sotqa deıingi tergeý amaldary júrgizilýde.
