Polıtsııaǵa óziniń tonalǵanyn aıtyp, jalǵan aqparat bergen turǵynǵa aıyppul salyndy
NUR-SULTAN. QazAqparat – Ózin renjitkenderden kek alý úshin er adam elordada tonaý oqıǵasy bolǵany týraly polıtsııaǵa jalǵan aqparat bergen.
Bul týraly QazAqparat qalalyq Polıtsııa departamentine silteme jasap habarlaıdy.
Saǵat 02.20-da Esil aýdandyq polıtsııa bólimine 35 jastaǵy turǵynnan bar kúzetshileri ózin uryp-soǵyp, uıaly telefony men aqshasyn alyp ketkeni týraly habarlama kelip túsken.
Іs júrgizý barysynda qońyraý shalýshynyń karaoke-barda otyrǵandyǵy jáne alkogoldik ishimdik ishkennen keıin ol aqysyn tóleýden bas tartqany anyqtaldy. Nátıjesinde onymen jáne bar qyzmetkerleri arasynda janjal týyndaǵan. Ol bardan shyqqannan keıin shyǵa beris esiktiń áınegin judyryǵymen uryp shaǵyp tastaǵan.
Ashýǵa býlyqqan ol kúzetshilerden kek almaq bolyp, polıtsııaǵa óziniń tonalǵany týraly habar beredi. Oqıǵa ornyna kelgen polıtsııa qyzmetkerleri urlandy degen zattar er adamnyń ózinde ekenin anyqtaǵan. Elorda turǵynyna arnaıy qyzmetke jalǵan aqparat bergeni úshin QR ÁQBtK-niń 438-baby boıynsha ákimshilik is qozǵalyp, 30 aılyq eseptik kórsetkish mólsherinde aıyppul salyndy.
