Polıtsııaǵa málimet bergen 3,5 myń qazaqstandyq aqshalaı syıaqy alǵan
Bul týraly Іshki ister mınıstrligi Ákimshilik polıtsııa komıteti tóraǵasynyń mindetin atqarýshy Alekseı Mılıýk aıtty.
«Búgingi tańda elimizde belsendi azamattyq ustanymy bar 23 myńnan astam adam bar. Olardan kelip túsken aqparattyń kómegimen 2 myńnan astam qylmys ashylyp, 28 myńnan astam ákimshilik quqyq buzýshylyqtyń joly kesildi», – dedi Alekseı Mılıýk.
Alekseı Mılıýk aýmaqtyq polıtsııa organdarynyń usynystary boıynsha 2020 jyly 4 myńnan astam belsendi azamat yntalandyrý sharalarymen qamtylǵanyn aıtady. Onyń ishinde 3,5 myń adam aqshalaı syıaqy alǵan.
«Kótermeleý týraly sheshimdi aýmaqtyq polıtsııa organy basshylyǵynyń usynystary negizinde arnaıy komıssııalar qabyldaıdy. 2018 jyldan bastap kótermeleý sharttary ózgertildi. Eger buryn kótermeleý somasy 10 AEK-ten aspasa, qazir joǵarǵy shek alynyp tastaldy jáne syıaqynyń eń joǵary mólsherin jergilikti bıýdjetterdiń múmkindikterine qaraı óńirlerdiń ákimderi óz qalaýy boıynsha belgileı alady», - dedi ІІM ókili.