Polıtsııaǵa KTK arnasynyń ǵımaratyna bomba qoıyldy degen habar tústi
ALMATY. QazAqparat - Almaty polıtsııasyna Respýblıka alańy, 13 meken jaıyndaǵy ǵımaratta jarylǵysh zat qoıylǵany týraly habarlama túsken, dep habarlaıdy QazAqparat tilshisi.
Bul ǵımaratta kóptegen jekemenshik ofıster, KTK jáne NTK, Eýrazııa birinshi arnasy telearnalarynyń, birshama gazetterdiń redaktsııasy ornalasqan.
Qalalyq polıtsııa departamentiniń resmı ókili Saltanat Ázirbektiń aıtýynsha, qazir oqıǵa ornynda shuǵyl áreket etý organdary jumys istep jatyr.
«Jańalyqtar redaktsııasyna túski 12:00 shamasynda belgisiz bireý habarlasyp, ǵımaratqa jarylǵysh zat qoıylǵany týraly aıtqan. Qazir oqıǵa ornynda opeartıvti qyzmet ókilderi birqatar keshendi ister atqaryp jatyr. Onyń ishinde adamdar qaýipsiz jerge kóshirilip, ǵımarat tekserilip jatyr», - dedi Saltanat Ázirbek.
Telearna ókilderiniń aıtýynsha, qazir ǵımarattaǵy 100-deı adam syrtta júr. Іzdestirý sharalary jalǵasýda.
