Polıtsııaǵa kómektesken aqmolalyqtar 4 mln teńgeden astam syıaqy aldy
«Óńirde polıtsııanyń qoǵamdyq kómekshisi qozǵalysynyń belsendiligi artýda. Qazirgi kezde, qozǵalys quramyndaǵy bir myńnan astam aqmolalyq qoǵamdyq tártipti saqtaýda, quqyqbuzýshylyq pen qylmystyń aldyn alýda polıtsııaǵa kómek qolyn sozyp júr. Sol sebepti, biz de óz tarapymyzdan azamattardy kóptep tartyp, birlesip jumys isteý múmkindikterin qarastyrýǵa tyrysamyz», - deıdi poltseıler.
Búgingi tańda polıtsııa departamentinde 1100 adamnyń basyn biriktiretin 243 qoǵamdyq qurylym jumys isteıdi. Ár qurylymnyń jumysy ártúrli. Onyń ishinde óńirdegi joǵary jáne orta-arnaýly oqý oryndaryndaǵy stýdentterden quralǵan jasóspirimder men jastar arasynda 24 jedel jastar otrıady jumys isteıdi. Onyń kóbi keıin polıtsııa qyzmetine qabyldanyp jatady. Sondyqtan, olar bul iske asqan jaýapkershilikpen qarap, teorııalyq bilimin praktıkamen ushtastyrýǵa tyrysady.
«Sońǵy jyldary óńirde konserj ınstıtýty damýda. Páter urlyǵynyń, qoǵamdyq tártip buzylýynyń aldyn alýda ár podezdegi belsendi turǵyndardyń kómegi zor. Sonymen qatar, kópqabatty turǵyn úı aýlalary men kire beristerine beınebaqylaý kameralaryn ornatý boıynsha PIK tóraǵalarymen baılanys ornatylǵan», - dedi vedomstvodan.
Sondaı-aq, qoǵamdyq tártipti saqtaýda ár ýchaskelik polıtsııa beketinde ishki ister organdary ardagerleriniń qatysýymen qoǵamdyq keńester quryldy. Olar polıtsııanyń ýchaskelik ınspektorlaryna úı aýlasyn aralaýǵa, qylmysqa beıim adamdardy anyqtap, turǵyndarmen aldyn alý sharalaryn júrgizýge kómektesedi.
«Qazirgi kezde, aýyldyq jerlerde mal urlyǵy basty másele bolyp otyr. Osy oraıda, mal urlyǵyn ashýda tártip saqshylaryna «Saqshy» jáne «Sarbazdar» tárizdi kóptegen otrıadtar kómektesedi. Óńirde olardyń sany - 149», - dep tolyqtyrdy polıtsııa departameniniń baspasóz qyzmetindegiler.
Aǵymdaǵy jyly erikti jasaqshylar men jastar otrıadynyń kómegimen 2100 ákimshilik quqyqbuzýshylyq, 600 astam qylmystyń beti ashyldy.
«Polıtsııa departamentiniń basshysy Erjan Sádenovtyń buıryǵymen quqyq qorǵaý organdaryna belsendi túrde kómektesken azamattar aqshalaı syıaqymen marapattalady. Bıylǵy jyly olarǵa 4 mıllıon teńgeden astam saıyaqy tólendi», - dep túıindedi vedomstvodan.