Polıtsııaǵa qarý-jaraq tapsyryp, qansha teńge alýǵa bolady
NUR-SULTAN. QazAqparat – Polıtsııa organdaryna qarý-jaraqty óz erkimen tapsyrǵan azamatqa 290 myń teńgege deıin tólenedi. Bul týraly QR ІІM Ákimshilik polıtsııa komıtetiniń bólim bastyǵy Asylbek Ydyrysov aıtty, dep habarlaıdy QazAqparat tilshisi.
«Materıaldyq ótemaqy máselelerine keletin bolsaq, erikti tapsyrý úshin tólemder mólsheri qarýdyń túrine, onyń tehnıkalyq jaǵdaıyna baılanysty jáne ár birligi úshin 30 myńnan 300 myńǵa deıin bolady. Syıaqy kólemin ár oblystyq, qalalyq jáne aýdandyq polıtsııa organdarynda qurylatyn komıssııa anyqtaıdy. Mysaly, 100 aılyq eseptik kórsetkishke deıin nemese 290 myń teńgeni azamat avtomatty oıyq qarýdyń árbir tapsyrǵan birligi úshin ala alady», - dedi Asylbek Ydyrysov.
Onyń atap ótýinshe, mundaı somanyń jartysy nemese 145 myńy oıyq uńǵyly myltyqtar men karabınder úshin tólenýi múmkin.
«Tapanshalar men revolverler úshin 100 myń teńgege deıingi mólsherde tólem boljanady. Tegis uńǵyly myltyqtardyń árbir birligi 90 myń teńgege deıin baǵalanýy yqtımal», - dedi bólim bastyǵy.
Aıta keteıik, 20 sáýirde elimizde halyqtan zańsyz qarý-jaraqtardy satyp alý aktsııasy bastalady. Oǵan bıýdjetten 95 mln teńge bólinip otyr.
